Фәрит Мөхәммәтшин һәм Ирада Әюпова Түбән Камада Халыклар дуслыгы йортында булдылар

Кичә Түбән Камага эш визиты белән ТР Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин һәм ТР мәдәният министры Ирада Әюпова килде.

2023 ел Татарстанда милли мәдәниятләр һәм гореф-гадәтләр елы дип игълан ителде.

Нәкъ менә шуңа күрә башкаладан килгән кунаклар Халыклар дуслыгы йортында булды. Аларны Түбән Каманың унбиш милли җәмгыяте вәкилләре каршы алды һәм туган телләрендә сәламләде. Оешма Түбән Камада сигезенче ел эшли.

Һәр иҗтимагый оешманың үз бинасы бар, гомуми очрашулар һәм репетицияләр урыннары: актлар, хореография һәм конференц-заллар да каралган.