COVID-19 белән авырган түбәнкамалылар шәһәр поликлиникаларында тирәнтен диспансерлаштыру уза ала

Түбән Камада коронавирус инфекциясе белән авырган һәр кеше шәһәрнең ике поликлиникасының берсендә тирәнтен диспансерлаштыру уза ала.
Бу хакта Түбән Кама үзәк район хастаханәсенең матбугат хезмәте хәбәр итә.

1 нче поликлиникада кабул итү 7:00 сәгатьтән 14:30 сәгатькә кадәр 107В кабинетында алып барыла. Поликлиника адресы: Менделеев урамы, 46. Өстәмә мәгълүмат 24-35-21 телефоны буенча.

2 нче поликлиникада шәһәр халкын 527 нче кабинетта, 7:00 сәгатьтән 14:30 сәгатькә кадәр кабул итәләр. Поликлиника Төзүчеләр проспекты, 10Д адресы буенча урнашкан. Белешмәләр өчен телефон: 24-31-89.

Моннан тыш, диспансеризация үтү өчен РФ Дәүләт хезмәтләре сайтында, поликлиникалардагы махсус терминаллар аша, шулай ук 24-40-03 телефоны буенча язылырга мөмкин.

COVID-19 белән авырмаган түбәнкамалылар да тирәнтен диспансеризация үтә ала. Моның өчен гариза язарга кирәк.