Быел Түбән Камада 3 нче балалар поликлиникасы төзелеше башланачак

2024 елда Түбән Каманың 35а микрорайонында 3 нче балалар поликлиникасы төзелә башлый. Бу хакта «эшлекле дүшәмбе» дә Түбән Кама районы башкарма комитеты җитәкчесе Роман Булатов хәбәр итте.

Проект буенча өч катлы бинада участок педиатрлары, инфекционист, ашыгыч ярдәм кабинеты, анализлар алу, процедура, рентген-аппарат, сәламәтлек үзәге һәм сөт ризыклары бирү пункты урнашачак.

Төзелешкә 364,5 млн сум акча бүлеп бирелгән.

Поликлиника шәһәрнең яңа микрорайоннары халкына хезмәт күрсәтәчәк.