Бәйрәмнәрдә почта бүлекчәләренең эш графигы үзгәрә

22 февральдә һәм 7 мартта почта бүлекчәләренең эш көне бер сәгатькә кыскара. 23 февральдә һәм 8 мартта Почтаның барлык бүлекчәләрендә ял көне булачак. Тәүлек буе эшли торган бүлекчәләр гадәти режимда хезмәт күрсәтәчәк, дип хәбәр итте Почтаның матбугат хезмәте. «Российская газета» шул турыда яза.

Шулай ук 23 февраль һәм 8 март бәйрәмнәрендә хат ташучылар почта аша җибәрелгән әйберләрне һәм вакытлы матбугат басмаларын таратмаячак, дип хәбәр ителә. Шул ук вакытта пенсияләр һәм пособиеләр, конкрет төбәкләрнең үзенчәлекләрен исәпкә алып, Россия Социаль фондының төбәк бүлекләре белән килештерелгән график буенча китереләчәк.

24 февральдә «Россия Почтасы» бүлекчәләре якшәмбе графигы буенча эшләячәк, ә 25 февральдә һәм 9 мартта гадәттәгечә хезмәт күрсәтә башлыйлар.