21 апрельдән «Татэнерго» Түбән Камада җылылык челтәрләрен алыштыра башлый

21 апрельдән Түбән Камада «Татэнерго» җылылык челтәрләрен һәм ЦТП җиһазларын ремонтлау һәм алыштыру эшләрен яңадан башлап җибәрәчәк. Моннан тыш, «Безнең ишегалды» программасы кысаларында 44 ишегалдын төзекләндерү эшләре башланачак.

«Күпчелек ишегалларында эшләр бер үк вакытта алып барылачак, бу безгә вакытны янга калдырырга һәм нәтиҗәне тизрәк күрергә мөмкинлек бирәчәк. Торбаларны масштаблы алыштыру кирәк булган ишегалларында башта бу мөһим этапны тәмамлыйбыз, аннары төзекләндерүгә керешәбез», — дип ачыклык кертте Түбән Кама мэры Рамил Муллин үзенең Telegram-каналында.

Мондый комплекслы проектлар 2000 еллар башыннан тормышка ашырылмады, дип билгеләп үтте шәһәр башлыгы.

«Без һәр объектны җентекләп эшләдек, эш күләмен бәяләдек һәм төгәл эзлеклелекне килештердек. Бригадалар санын арттырдык — бу процессны тизләтәчәк һәм уңайсызлыкларны киметәчәк», — дип ассызыклады мэр.

2024 елның көзендә Түбән Камада 17 км җылылык челтәрен алыштырырга һәм 35 үзәк җылылык пунктын тәртипкә китерергә мөмкин булды. Бу максатларга 700 млн сумга якын акча тотылган.