15 октябрьдән Түбән Камада автобусларның бакчаларга йөрү сезоны тәмамланды

15 октябрьдән Түбән Камада автобуслар бакчачыларны бакча ширкәтләренә йөртү сезонын тәмамлады.

Бакчаларга йөрү 15 апрельдә башланган иде, дип хәбәр итте «Садовод-НК» бакчачылык җәмгыяте җитәкчесе Илһам Булатов дүшәмбе көнне планеркада.

Шулай ук бакчачылар участокларына су бирү дә тукталды. Электр энергиясен бакчачылык ширкәтләренең гомуми җыелышларындагы карар буенча сүндерәчәкләр.

«20 апрельдән сентябрь ахырына кадәр бакчачылык участокларына су бирелде. Җәй коры булды, бу су чыганакларының кибүенә китерде. Кайбер бакча ширкәтләрендә су август ахырыннан бирле бирелми», — дип билгеләп үтте Булатов.

Моңа кадәр без авыл хуҗалыгы ярминкәләрендә 6,4 млн сумлык продукция сатылган дип язган идек.