1 сентябрьдә Түбән Кама янындагы авылда яңа ФАП эшли башлаячак

1 сентябрьдә Түбән Кама районының Ширәмәт авыл җирлегендә яңа ФАП эшли башлаячак.

Җирлек депутатлары Владислав Никишин һәм Ольга Куракина пунктка килеп, андагы эшләрне карадылар.

Яңа модульле фельдшер-акушерлык пункты Нариман авылында урнашкан.

«ФАП файдалануга тапшырырга әзер. Хәзер төзекләндерү һәм коммуникацияләргә тоташтыру эшләре бара», — дип сөйләде Владислав Никишин.

ФАП барлык таләпләрне һәм нормаларны исәпкә алып төзелгән. Анда процедура кабинеты, халыкны кабул итү һәм санитар бүлмәләр бар. ФАП авылда яшәүче 107 кешегә ярдәм итә алачак.