1 апрельдән түбәнкамалыларның социаль пенсияләре артачак

2023 елның 1 апреленнән түбәнкамалылар социаль пенсияләрен арттырып алачак. Индексация 3,3 процентка планлаштырылган.

Бу хакта РФ Социаль фондының Түбән Кама районындагы клиентлар хезмәте җитәкчесе Людмила Кутилина дүшәмбе киңәшмәсендә хәбәр итте.

Август аенда эшләүче пенсионерларга пенсияләр яңадан исәпләнәчәк.

Кутилина шулай ук быел гыйнварда эшләмәүче гражданнарның иминият пенсияләре 4,8% ка индексацияләнүен, ә 1 февральдән федераль льготникларга айлык акчалата түләүләр 11,9% ка арттырылуын искәртте.