Түбән Камада «вакыт капсуласы»н тутыру эстафетасы башланды

Түбән Камада Ватанны саклаучылар елында «вакыт капсуласы» эстафетасын эшләтеп җибәрделәр.

Шәһәр мэры Рамил Муллин сөйләгәнчә, анда Бөек Ватан сугышы ветераннарының истәлекләре һәм теләкләре, хәрбиләрнең теләкләре тупланган.

«Ә Бөек Җиңүнең 80 еллыгын бәйрәм итү тантанасында 20 елдан Җиңүнең йөз еллыгын билгеләп үтәчәк егетләргә Түбән Кама яшьләреннән юллама салачакбыз. Бу үткән геройлар истәлегенә хөрмәт һәм киләчәккә юллама — буыннар арасында безнең өчен бик мөһим булган тагын бер бәйләүче җеп», — дип билгеләде ул.