Матур эшләребез бар

Сезон буе башкарган эшләрнең нәтиҗәсен күрсәтеп, мактаныр чак җитте. Бу фотода сез «Черный куб» сортлы борыч күрәсез. Татлы борычның без яшел, сары, кызыл төстә булуына күнеккән. Ә бу сорт кап-кара һәм тәмле.
Икенче фотода мин элегрәк язган кыяр үләне. Баштарак кыяр өлгергәнче яфракларын куллансак, соңрак матур чәчәкләре белән бакчаны ямьләп тора ул.
Бу фотода тырнак гөле һәм кәбестә тату гына үсә. Ә монысында минем иң яраткан чәчәкләрем зәңгәр тәтәйләр (василек).
И. Гаффарованың бакчасында төшергән фотолар.