Бәлки кирәге чыгар

Сарымсак төрле чир-ләргә һәм корткычларга бирешмәсен өчен, түбәндәгечә эшләгез. Иң элек, утыртырга әзерләгән сарымсак тырнакларын 1-2 минут тозлы суда тотып алыгыз. Аның өчен, 5 литр суга 3 аш кашыгы тоз салырга кирәк. Тозлы судан алгач, 1 минутка бакыр купоросы эремәсенә салыгыз (анысын 10 литр суга 1 балкашыгы исәбеннән өстәгез). Шуннан соң, сарымсак тырнак-ларын эремәдән алып, су белән юмыйча (!), түтәлгә утыртыгыз. Менә шуларны эшләргә иренмәсәгез, уңышыгыз мул булыр.

Суганны түтәлгә утыртыр алдыннан бер тәүлек, ягъни 24 сәгать дәвамында тозлы суда тотып алыгыз. Аның өчен, 5 литр суга 2 аш кашыгы тоз салырга кирәк. Тозлы судан алып, түтәлгә утыртыр алдыннан, суганны нибары 5 минутка куе кызыл төстәге марганцовка эремәсенә салып торыгыз.

Орлык бәрәңгесен үрдергән вакытта, әгәр температура югары булса, бүлбеләр өстенә 2-4 мәртәбә су бөркергә онытмагыз. Утыртыр алдыннан аларны микроэлементлар эремәсенә салып торырга, ә утырткан вакытта бәрәңге салынасы чокырга ярты стакан чамасы булса да агач көле салып калдырырга киңәш ителә.