Красный Бор авылында яшәүчеләр 28 гыйнвардан бирле автолавка көтә

Ләкин бу хезмәттән кешеләр бер дә канәгать түгел: бәяләр күрсәтелмәгән, ипие иске, чеклар бирмиләр... Зарлары бик күп. Нәтиҗәдә, әби-бабайлар я “попутный”, я такси белән шәһәргә үзләре барырга мәҗбүр. Бер яктан карасаң, авылда бар нәрсә бар: яшелчә, сөт ризыклары. Ләкин чәй янына печенье куясы, макарон, колбаса ашыйсы да килә бит. Кешеләр шәһәр мэры Айдар Метшинга да мөрәҗәгать итеп караганнар. Анысы машина атнага ике тапкыр киләчәк дип вәгъдә биргән-бирүен. Башта шулай булган, тик аннары машина атнага бер килә башлаган. Соңгы тапкыр 28 гыйнварда килеп саткан. Ул вакытта да халык булган ризыклардан ризасызлык белдергән.

Фото: В.Моратова