Түбәнкамалыларны Казандагы ярминкә-күргәзмәдә диплом белән бүләкләделәр

Казанда ел саен үткәрелә торган «Осталар шәһәре» авыл хуҗалыгы продукциясе һәм техник иҗат эшләнмәләре республика ярминкә-күргәзмәсе узды. Чарада түбәнкамалылар да катнашты.

Ярминкәдә агач Һәм металлдан эшләнгән әйберләр, бал, сөт продукциясе, камыр ризыклары, бөртекле культуралар, декоратив-кулланма иҗат эшләнмәләре һ. б. товарлар тәкъдим ителгән.

«Ярминкә өчен креатив идеяләр өчен» номинациясендә диплом һәм рәхмәт хаты белән Түбән Каманың Королев исемендәге политехник колледжы бүләкләнде. 

Фото: Түбән Кама администрациясенең матбугат хезмәте