Түбәнкамалы Лариса Орлова волонтерлык өчен республика премиясен алды

Түбән Камада яшәүче Лариса Орлова «Игелекле Татарстан» волонтерлык өлкәсендә республика премиясен алды. Ул «#МыВместе» Гомумроссия үзара ярдәм акциясе кысаларында елның ирекле хезмәткәре дип танылды.

6-8 нче микрорайоннарның СТОС рәисе микрорайонның иҗтимагый үзәгендә МХО урынында булган хәрбиләр өчен гуманитар ярдәм һәм кирәкле әйберләр җыю пунктын оештыра. Аның ярдәмендә шәһәр халкы 650дән артык хәрби хезмәткәргә ярдәм иткән.

«Игелекле Татарстан» премиясе ТР Яшьләр министрлыгы тарафыннан «Татарстан Республикасы иреклеләренең мәгълүмати-ресурс үзәге» АНО белән берлектә, кешеләргә ярдәм итүдә зур уңышлары өчен волонтерларны хуплау һәм бүләкләү максатыннан булдырылган.