Түбәнкамалы «Ихлас Нечкәбил» номинациясендә җиңү яулады

Казанда «Нечкәбил 2022» — «Гаиләнең унҗиде мизгеле. Гаилә мирасы бәйрәме» республика матурлык конкурсының финалы узды. Татарстанның тугыз районыннан унике катнашучы Нечкәбил исеме өчен көрәште, дип хәбәр итә шәһәр башлыгының матбугат хезмәте. 

Түбән Каманы Харитоновлар гаиләсе тәкъдим итте. Людмила Александровна балалар сәнгать мәктәбендә эшли. Александр Николаевич — «Түбән Кама Нефтехим» җәмгыятендә. Харитоновлар гаиләсендә ике бала үсә: Никита — 9 нчы сыйныфта, Полина 4 нче сыйныфта укый.

Харитоновлар гаиләсе сәхнәдә гаилә кыйммәтләрен, халыкның гореф-гадәтләрен күрсәтте. Конкурс нәтиҗәләре буенча Людмила Александровна «Ихлас Нечкәбил» номинациясендә җиңү яулады.

Фото: tat.e-nkama.ru