Түбән Каманың «Туган як» редакциясе коллективына Рәхмәт хаты тапшырылды

Шушы көннәрдә Татарстан Республикасы буенча Социаль фонд бүлеге идарәчесе Эдуард Вафин исеменнән, «Туган як» редакциясе коллективына Рәхмәт хаты тапшырылды.

Анда, даими хезмәттәшлек өчен, редакция коллективына рәхмәт белдерелгән. Рәхмәт хатын «Туган як» газетасы мөхәррире Фәрит Имамовка Социаль фондның Түбән Кама районындагы клиент хезмәте җитәкчесе Людмила Кутилина тапшырды.

«Сезнең газетаның төп укучылары — өлкән кешеләр, пенсионерлар. Социаль фонд хәбәрләре белән иң беренче чиратта сезнең газета аша танышу алар өчен бик уңайлы. Киләчәктә дә хезмәттәшлек дәвам итәр дип ышанам», — дигән теләк белдерде Людмила Александровна. 

Фото шәхси архивтан.