Түбән Кама хәйриячесе «Ватан алдындагы казанышлары өчен» медале белән бүләкләнде

Түбән Камада яшәүче Валерий Иванов II дәрәҗә «Ватан алдындагы казанышлары өчен» ордены медале белән бүләкләнде.

Бүләкне аңа Казан Кремлендә Дәүләт Советы Рәисе Фәрит Мөхәммәтшин тапшырды.

Валерий Иванов ел саен дистәләгән мохтаҗ кешегә ярдәм күрсәтә. Ул Казан Крестовоздвиженский гыйбадәтханәсенең мозаикалы фасад иконаларын ясауга зур өлеш керткән.

Иванов ярдәме белән Олы Атыда гыйбадәтханә реставрацияләнгән, Түбән Кама районының Кләтле авылында Изге чишмә төзекләндерелгән, Түбән Камада Тынычлык проспектында храм ачылган.