Түбән Кама укытучысы «2025 елның иң яхшы педагог-рәссамы» исеменә лаек булды

Түбән Каманың 1нче балалар сәнгать мәктәбе укытучысы Диләрә Закирова Халыкара рәссам-педагоглар берлеге версиясе буенча «2025 елның иң яхшы педагог-рәссамы» дип танылды.

Союзның Мәскәүдә узган XII еллык форумында аңа актив иҗади һәм педагогик эшчәнлеге өчен мактау билгесе тапшырылды, дип хәбәр итә шәһәр администрациясенең матбугат хезмәте.

Әлеге форум кысаларында шулай ук «Балалар сәнгать иҗаты контекстында мәдәни код» дип аталган ел саен уздырыла торган фәнни-гамәли конференция узган, анда Россиянең төрле төбәкләреннән һәм якын чит илләрдән укытучылар катнашкан.