Түбән Кама тәрбиячесе республика конкурсы финалына чыкты

70нче балалар бакчасы тәрбиячесе Юлия Ларионова «Мин татарча сөйләшәм һәм эшлим — 2024» республика конкурсының финалында Түбән Кама районын тәкъдим итте.

Финалга республиканың төрле районнарыннан барлыгы 15 тәрбияче үтте. Аларга визит карточкалары әзерләргә, балалар белән чара тәкъдим итәргә, уен-викторинада катнашырга һәм өй эшләрен башкарырга кирәк иде.

Юлия Ларионова барлык биремнәрне дә үтәде һәм «Йөрәгемне балаларга бирәм» номинациясендә җиңү яулады.

Фото: социаль челтәрләр