Түбән Кама студенты «Профессионаллар» Бөтенроссия чемпионаты призеры булды

Мәскәүдә 21-25 апрельдә «26 КАДР» көллиятендә «Су технологияләре» компетенциясе буенча «Профессионаллар» һөнәри осталык чемпионатының финал этабы тәмамланды.

Россиянең төрле төбәкләреннән килгән алты ир-ат катнашучы арасында Түбән Кама студенты Олеся Фәрдиева бердәнбер гүзәл зат иде, кискен көрәштә ул бронза медаль яулады.

Олеся — Түбән Каманың Королев исемендәге политехника көллиятенең 2 курс студенты. «Биналар һәм корылмаларны төзү һәм эксплуатацияләү» белгечлеге буенча укый, укыту-методик эш буенча директор урынбасары Екатерина Юртаева белән бергә команда составында республиканы лаеклы тәкъдим итте.