Түбән Кама полициясе хезмәткәре җәйге биатлон буенча ярышларда призер булды

Түбән Кама полициясе хезмәткәре «Динамо» ширкәтенең җәйге хезмәт биатлоны буенча ярышларның «бронза» призеры булды. Бу хакта Россия Эчке эшләр министрлыгының Түбән Кама районы буенча идарәсе матбугат хезмәте хәбәр итә.

Ярышларда Татарстан Республикасы шәһәрләре һәм район үзәкләре хезмәткәрләре катнашты. Ярышлар Казанда 4-9 сентябрьдә узды.

Түбән Кама полициясе хезмәткәрләре дә читтә калмады, ә өлкән лейтенант Елена Дектерева 1,5 мең метр дистанциядә хатын-кызлар арасында җәйге хезмәт биатлоны буенча ярышларда өченче булды.

Фото: Түбән Кама районы буенча Россия Эчке эшләр министрлыгы идарәсе матбугат хезмәте