Түбән Кама мэры урынбасары Марина Камелина РФ Президентының Рәхмәт хаты белән бүләкләнде

Түбән Кама мэры урынбасары Марина Камелина иҗтимагый һәм хәйрия эшчәнлегендә актив катнашканы өчен Владимир Путинның Рәхмәт хаты белән бүләкләнде.

Бүләкләү администрациядәге планеркада узды.

«Сез рухи юмартлык, патриотизм, кешелеклелек үрнәге булып торасыз. Махсус хәрби операциядә катнашучы сугышчыларга, аларның гаиләләренә һәм якыннарына ярдәм итүдә сезнең роль бәяләп бетергесез. Рәхмәт сезгә», — дип мөрәҗәгать итте шәһәр мэры Рамил Муллин Марина Камелинага.