Түбән Кама балалар бакчасына йөрүче 100 бала һөнәри юнәлеш чемпионатында катнашты

Түбән Камада дүрт балалар бакчасы базасында иртә һөнәри юнәлеш бирү буенча «Яшь мастер-2023» республика чемпионатының муниципаль этабы узды.

Конкурста 14 компетенция буенча 100 мәктәпкәчә яшьтәге бала катнашты, дип хәбәр итә «ВКонтакте» да ТКМР башкарма комитетының мәктәпкәчә белем бирү идарәсе җитәкчесе Светлана Андрианова.

Балалар төрле һөнәр ияләренең нәрсә белергә тиешлеге, үз эшләрендә нинди җиһазлар һәм кораллар кулланулары турында сөйләделәр һәм, әлбәттә, һөнәрне үзләштерүнең гамәли күнекмәләрен күрсәттеләр.

Җиңүчеләр чемпионатның региональ этабына барачак.