Түбән Кама ансамбльләре Мәскәүдә халыкара фестивальдә җиңүче булды

Мәскәүдә «Рождественские звезды» XXI халыкара фестиваль-конкурсына йомгак ясалды.

Түбән Кама хакимиятенең матбугат хезмәтендә билгеләп үтелгәнчә, анда ел саен өч меңгә якын бала катнаша.

Түбән Каманың балалар өчен «Созвездие» сәнгать мәктәбендә тәрбияләнүчеләр фестивальдә шәһәр һәм республика данын лаеклы дәрәҗәдә яклаган.

Конкурс нәтиҗәләре буенча «Карамельки» һәм «Веснушки» вокаль ансамбльләре беренче дәрәҗә лауреат булдылар. Ә укытучы Елена Круподерова «Педагогическая Ника» премиясе кысаларында өченче дәрәҗә лауреат исемен яулады.