Рөстәм Миңнеханов Түбән Кама үзәк район хастаханәсенең йогышлы авырулар бүлеге мөдиренә Лука Крымский медален тапшырды

Түбән Кама үзәк район хастаханәсенең йогышлы авырулар бүлеге мөдире Зөлфирә Ганиевага Лука Крымский медале тапшырылды. РФ Дәүләт бүләген аңа бүген республика Президенты Рөстәм Миңнеханов ТР сәламәтлек саклау министрлыгында узган йомгаклау коллегиясендә тапшырды, дип хәбәр итә Түбән Кама үзәк хастаханәсенең матбугат хезмәте.

Зөлфирә Ганиева медицинада 30 елдан артык эшли. Коронавирус пандемиясе вакытында ул ковид хастаханәсе эшенә җитәкчелек итте һәм пациентларны дәвалауны шәхсән күзәтте.