Бик яшь булсалар да...

18, 19, 25 гыйнварда, «База» креатив индустрияләр үзәгендә, иң яшь (2017 елгы һәм аннан яшьрәк) балалар арасында шахмат буенча Түбән Кама беренчелеге булды. 

Турнир нәтиҗәләре буенча «Батыр» спорт мәктәбендә шөгыльләнүчеләр (тренерлары Камил Шәйхетдинов) югары күрсәткечләргә иреште: 2 — беренче, 1 — икенче урыннарны яулады. Призерлар ТР беренчелегендә катнашу хокукына ия булды. 

Фотода (сулдан уңга): кызлар арасында җиңү яулаган Алиса Кирющева (2 нче урын), Регина Казанькова (1 нче урын), Алия Вәлиева (3 нче урын) тренерлары Камил Шәйхетдинов белән. 

Фото шәхси архивтан.