Шигъри тәлгәшләр

12.01.2018 14:21 | Кич утырганда Печать

       Кыш бабайга киңәшләр
Кыш бабай, 
                 әтәч елында
Үзгәргәнсең, аргансың.
Әбине өйдә калдырып, 
                 үзең белән
Карсылуны алгансың.
 
Әллә бик картая 
                           барып, 
Калдыңмы син 
                     хәтерсез...
Яңа елга өеңә 
     кайтып җитмәсәң,
Әбигә ни әйтерсең?
 
Әби янына 
         кайтыр алдыннан,
Берәр киңәшчегә бар.
Әби алдында акланырга
Ул сиңа җавап табар.
 
Кар Кызын җитәкләп,
                          чыршы
Тирәсендә бик чапма.
Өеңә кайтып әбине дә
                             берәр
Үбеп алып кочакла.
                        Рәфәт ШӘЙДУЛЛИН.
 
        Рәхмәт сиңа
Рәхмәт сиңа, җаным -
                   җәмәгатем.
Тормыш йөген 
           икәү тартканга.
Сикәлтәле юлларны
                        үткәндә,
Сер бирмәгән өчен 
                        ятларга.
 
Рәхмәт сиңа, җаным-
                   сандугачым,
Гади, татлы булып 
                        туганга.
Ике бөртек 
             газизләребезне 
Туры юлга бергә
                        куйганга.
 
Рәхмәт сиңа, җаным-
                  карлыгачым.
Мине аңлап, 
              юлны биргәнгә.
Ир - баш, хатын - 
                     муен, диеп,
Тормыш юлын 
              ипләп үткәнгә.
 
Рәхмәт сиңа, җаным-
               бәхет кошым,
Мине сөеп 
              бергә булганга.
Уллар үстереп, 
            оныкларны сөеп,
Бер-беребезгә
       ихтирам кылганга.
 
Рәхмәт сиңа, җаным-
                         сөеклем,
Гомер буе 
             сабыр булганга.
Сабыр төбе - 
        сары алтын, диләр, 
Шул сүзләрне 
            истә тотканга.
 
Энҗе туйга хәтле 
                         яшәдек,
Раббым язсын 
                  озак яшәргә.
Алтын туйларны
                        уздырып, 
Бриллиант туйларга да
                        җитәргә.
               Госман Вәлиев.
       Рәсем depositphotos.com сайтыннан алынды.
 
 
 

Добавить комментарий


Защитный код
Обновить