Балалар күңел ачты

12.01.2018 11:44 | Карендәш Печать

Балалар күңел ачты
Раштуа уңаеннан, шәһәребез һәм район чиркәүләрендә келәүләр үтте, төрле чаралар әзерләнде. Балчыклы авылында исә балалар өчен Раштуа бәйрәмен уздырдылар.
Балчыклы мәдәният йорты мөдире Надежда Анисимова әйтүенчә, чарада 40ка якын бала катнашты. Аларга Изге апостоллар Петр һәм Павел чиркәве атакае Вячеслав Федоров бәйрәмнең асылын аңлатты. Иисус Христосның тууы турында мультфильм күрсәтелде. Малайлар һәм кызлар шулай ук активлык күрсәтте. Алар да Раштуа бәйрәме турында белгәннәрен сөйләде, шигырьләр укыды, җырлар башкарды. Аннары барысы да тәм-томнар белән чәй эчте. Чара урамда уеннар белән дәвам итте.   

Добавить комментарий


Защитный код
Обновить