Шигъри тәлгәшләр

27.12.2017 13:29 | Кич утырганда Печать

Шигъри тәлгәшләр
Язып бетермәгән поэма...
Таралмастай 
       сагышларын төйнәп
Инде көз дә юлга җыена,
Күкләр үзе шулай кушкан, 
                                 диеп
Җилләр шыңшый 
                  көзнең җаена.
 
Төргәк - төргәк 
         калын болытларда
Түкми калган моңнар, 
                        күз яше –
Вакытларны 
           кызганмаска икән
Утырырга 
          кайчак сөйләшеп...
 
Бер төргәктә 
          акланмаган өмет,
Ташлап калдыруы 
                        кызганыч
Узган гомер инде 
                     узган хәзер,
Көтә бирсен
                   алда куаныч.
 
Офык дәшә. 
           Кузгалырга кирәк,
Вакыт җиткән 
                    карлар аена.
Ертык кәгазь кебек
                      яфрак кала
Язып бетермәгән 
                            поэма...
                Асия САФИНА

Добавить комментарий


Защитный код
Обновить