Туган як

Йортыбызны төзекләндерделәр

2018 елга күчкәндә Яңа ел төнендә төш күрдем: имеш, безнең 94 нче йорт бөтенләе белән ап-ак икән. Матур инде, билгеле. Яхшыга юрадым.

Һәм менә яз башыннан әллә ничә бригада малярлар, слесарьлар, электриклар, тагын әллә кемнәр килде. Ә аңа кадәр берничә ел элек йортыбыз подвалындагы су, канализация торбаларын, лифтларны яңаларга алыштырганнар иде.
Ә быел инде утыз еллап ремонт күрмәгән йортыбызны, аның эчен-тышын, подъезд эчләрен, подвалларны төзәтә-төзәтә сылап, буядылар, подъезд тәрәзәләрен пластикка алмаштырдылар, яңа ишекләр куйдылар, электр лампочкаларын да керсәң – кабына, чыксаң сүнә торган итеп ясадылар. Әкәмәт инде менә! Бу бит дүрт-биш подъезд гына түгел, тугызар катлы 16 подъезд! Башта чокыр-чакырлы ишегалларын рәтләп, асфальт салып чыкканнар иде. 
Ремонтчыларга да рәхмәтнең зурысы, чөнки бик тырышып эшлиләр, барысы да – үз эшләренең осталары. Шулай ук, рәхмәтнең тагын да зуррагы шәһәр мэры Айдар Рәис улы Метшинга һәм шушы эшләрнең башында торган йортлар идарәсе җитәкчесе Илнур Фатыйх  улы Закировка. Аларга исәнлек-саулык, бәхетле озын гомерләр теләп, киләчәктә ил өчен, халык бәхете өчен тагын да кыюрак эшләр башкаруларын теләп, бу йортта яшәүчеләр исеменнән, 
Лира ГАБИТОВА, пенсионер.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: