Туган як

Олы хөрмәткә ия кешеләр

Шушы көннәрдә өч түбәнкамалы юбилейларын билгеләп үткән. Аларны җирле хакимият, социаль яклау идарәсе вәкилләре тәбрикләп, РФ Президенты Владимир Путинның Котлау хатын һәм бүләкләр тапшырганнар.

Сәгадә Вәлиевага (фотода) 95 яшь тулган. Ул Бөек Ватан сугышы елларында район социаль тәэминат бүлегендә эшләгән. Гомуми хезмәт стажы 43 ел тәшкил итә. Сәгадә апа «Бөек Ватан сугышы елларындагы фидакарь хезмәте өчен» медале һәм «Социаль тәэминат отличнигы» билгесе белән бүләкләнгән.  
Виктория Соловьева шулай ук 95 яшен тутырган. Сугыш чорында колхозда эшләгән. Түбән Каманың 10 нчы мәктәбендә  башлангыч сыйныф укытучысы булган. В.Соловьева ике кыз тәрбияләп үстергән, хәзер өч оныгы һәм дүрт торыгы бар. Юбиляр «Бөек Ватан сугышы елларындагы фидакарь хезмәте өчен» медале белән бүләкләнгән. 
Шулай ук «Бөек Ватан сугышы елларындагы фидакарь хезмәте  өчен» медале иясе 90 яшьлек Николай Николаев та Бөек Ватан сугышы вакытында колхозда хезмәт куйган. Түбән Камага 1963 елда килгән, «Энергорайон» директоры урынбасары вазифасын башкарган. Ике оныгы һәм ике торыгы бар.  
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: