Рөстәм Миңнеханов студентларны бәйрәм белән котлады

Ел саен 25 гыйнварда Россиядә Татьяна көне яки Россия студентлары көне билгеләп үтелә.

ТР Рәисе Рөстәм Миңнеханов студентларны бәйрәм белән котлады. Ул бәхетле һәм якты студент еллары, җиңел сессияләр һәм кызыклы семестрлар теләде.

Бәйрәм хөрмәтенә Түбән Камада берничә тематик чара узачак:

• 25 гыйнварда «Нефтехим Арена» спорт-мәдәни комплексында югары уку йортлары һәм урта уку йортлары студентлары өчен "«Татьянины забавы» күңел ачу-спорт чарасы уздырылачак. Шулай ук чәй эчү һәм интерактивлар оештырылачак. Сәгать 15тә башлана;
• Иртәгә, 26 гыйнварда, «Ковер» яшьләр инициативалары үзәгендә студентлар өчен кичә узачак. Сәгать 19да башлана. Керү студент билетлары буенча.