Хезмәт министрлыгы ноябрь башында өч көнлек эш атнасы турында хәбәр итте

Ноябрь башында Россия халкы нибары өч көн эшләячәк. Бу РФ Хезмәт министрлыгы раслаган 2025 елда ял көннәрен күчерү графигы белән бәйле, дип хәбәр итә РИА Новости.

Гражданнарны 3 һәм 4 ноябрь (дүшәмбе һәм сишәмбе) өстәмә ял көннәре, шулай ук 8 һәм 9 ноябрьдә традицион ял көннәре (шимбә һәм якшәмбе) көтә. Шул рәвешле, 5-7 ноябрь генә эш көннәре булачак.

4 ноябрь көнне Россиядә Халыклар бердәмлеге көне билгеләп үтелә. Әмма бер атна алданрак россиялеләрне алты көнлек эш атнасы көтә.