Түбәнкамалыларны «Калдыкларны — керемгә!» экологик акциясенә чакыралар

Түбән Камада 12 сентябрьдә икенчел чимал җыю буенча «Калдыкларны — керемгә!» масштаблы экологик акциясе узачак. Чара калдыкларны аерып җыюны һәм әйләнә-тирә мохиткә сакчыл мөнәсәбәтне популярлаштыруга юнәлдерелгән.

Акция 12:10 дән 15:20 гә кадәр шәһәрнең биш ноктасында узачак:

• 12:10 — 12:40 — Красный Ключ бистәсендәге «Мирас» мәдәният сарае;
• 12:50 — 13: 20 — «Бызово» базары янындагы парковка;
• 13:30 — 14:00 — «Ковер» яшьләр үзәге (Мәктәп бульвары, 7/2);
• 14:10 — 14:40 — «Эссен» сәүдә үзәге янында Төзүчеләр проспекты буенча парковка;
• 14:50 — 15:20 — «Сити Молл» сәүдә үзәге парковкасы.

Шәһәр халкы макулатура (иске китаплар, ялтыравык журналлар, картон, газеталар, ак кәгазь), пластик шешәләр, полиэтилен һәм алюминий банкалар тапшыра ала. Мөһим шарт — үлчәү өчен макулатура яхшы итеп төрелгән булырга тиеш. Калдыкларны каблу итү бәяләре:

• архив (китаплар, журналлар, газеталар), картон — килосы 7 сум;
• ПЭТ-шешәләр һәм полиэтилен — килосы 10 сум;
• алюминий банкалар — килосы 30 сум.

Оештыручылар битараф булмаган барлык гражданнарны акциядә катнашырга һәм әйләнә-тирә мохитне саклауга өлеш кертергә чакыра.