Түбән Камадан ун кеше контракт буенча ВДВ һәм Төньяк флотка хезмәт итәргә китте

Түбән Камадан 16 февральдә контракт буенча ун кеше хезмәт итәргә китте. Алар Һава-десант гаскәрләре һәм Төньяк флоты подразделениеләрендә хезмәт итәчәкләр, шул исәптән махсус хәрби операциядә катнашачаклар.

Ир-атларны озатырга туганнары килгән иде. Шулай ук контрактчыларга шәһәр һәм район хәрби комиссары Газинур Ситдыйков, руханилар, «Сугышчан туганлык» ветераннарының Түбән Кама бүлекчәсе вәкилләре, шулай ук ВДВ хәрби часте вәкиле хәерле юл теләде, нәсихәт сүзләрен җиткерде.