Түбән Камада Химиклар көнендә Филипп Киркоров чыгыш ясаячак

СИБУР 23 майда Түбән Камада компаниянең 30 еллык юбилеена һәм Химиклар көненә багышланган шәһәр бәйрәмен оештыра.

Бәйрәм ике мәйданчыкта: Нефтехимиклар паркында һәм «Гаилә» паркында узачак.

Нефтехимиклар паркында чаралар 14 сәгатьтә башлана. Оештыручылар мастер-класслар һәм интерактивлар, шулай ук истәлекле фотолар өчен фотозоналар вәгъдә итә. Бәйрәмнең кульминациясе — Нефтехимиклар паркында Филипп Киркоров, Алсу, Dabro төркеме катнашында зур концерт.

«Гаилә» паркында балалар өчен күңел ачу программасы оештырыла: мастер-класслар, спорт зоналары, спектакльләр, музыкаль коллективлар. 

Бәйрәм салют белән тәмамлана.