Түбән Камада Шинчылар проспектындагы ишегалдын ачу тантанасында җылылык пунктын бизәделәр

Шинчылар проспектындагы 44 нче йорт ишегалды «Безнең ишегалды» республика программасы кысаларында үткәрелгән күләмле төзекләндерүдән соң кабат ачылды. Яңартылган территория шул тирәдә яшәүче барлык кешеләр өчен чын бүләк булды. 

Тротуарларны һәм машина юлларын төзекләндерү, парковка зонасын киңәйтү, заманча эскәмияләр һәм уен комплекслары урнаштыру — ишегалдында булган үзгәрешләрнең бер өлеше. Аеруча игътибарны Тренажер мәйданчыгы күпләрнең игътибарын җәлеп итәрлек. Анда саф һавада физик күнегүләр белән шөгыльләнү мөмкин булачак. Заманча яктырту исә тәүлекнең караңгы вакытында куркынычсызлыкны һәм уңайлылыкны тәэмин итәчәк. 

Ишегалдын ачу тантанасы барышында җылылык пунктын бизәү буенча акция узды. Микрорайонда яшәүчеләр, кулларына буяу һәм пумалалар алып, үзләренең иҗади сәләтләрен күрсәттеләр, бинаның фасадын якты арт-объектка әверелдерделәр. 

Җирле иҗат коллективлары чыгышлары, зур курчак формасындагы аниматорлар һәм мавыктыргыч осталык дәресләре бәйрәм кәефен тагын да күтәрде. «Безнең ишегалды» программасында иң актив катнашучыларга Рәхмәт хатлары тапшырылды. 

Чара ТР Рәисе Рөстәм Миңнеханов инициативасы белән «Татарстанда җәй» программасы кысаларында узды.