Түбән Камада сигез кешедән торган контрактчылар төркеме хезмәт урынына китте

Түбән Камадан сигез хәрби хезмәткәр 29 августта Ленинград һәм Көньяк хәрби округлары бүлекчәләренә контракт буенча хезмәт узу өчен, шулай ук махсус хәрби операциядә катнашу өчен китте.

Озату тантанасында хәрбиләргә Түбән Кама һәм Түбән Кама районы хәрби комиссары Газинур Ситдыйков, атакай Александр Колчерин, Габделкәрим хәзрәт һәм ике хәрби хезмәткәрнең әтисе Ирек Гыйльманов чыгыш ясады. Чарада шулай ук «Сугышчан туганлык» оешмасының Түбән Кама бүлекчәсе вәкилләре һәм хәрбиләрнең туганнары катнашты.