Түбән Камада макулатура, пластик һәм алюминий кабул итү пунктлары ачылачак

20 декабрьдә Түбән Каманың биш мәйданчыгында икенчел чимал җыю оештырыла. Бу хакта Балалар экология-биология үзәгендә хәбәр иттеләр.

Кабул итү пунктлары оештырылачак:

• 09:30-10:00, Красный Ключ бистәсендәге «Мирас» мәдәният йорты;
• 10:15-10:45, «Бызов» базары янындагф парковка;
• 11:00-11:30, «Ковер» үзәге (Мәктәп бульвары, 7/2);
• 11:45-12:15, «Эссен» сәүдә үзәгенең Төзүчеләр проспектындагы парковкасы;
• 12:30-13:00, «Сити Молл» сәүдә үзәгенең Химиклар проспектындагы парковкасы.

Түбәнкамалылар иске китапларны, ялтыравык журналларны, картон, газеталарны, кулланылган ак кәгазьне, пластик шешәләрне, алюминий банкаларны тапшыра ала. Макулатураны яхшылап төрергә кирәк. Пыяла савыт кабул ителми.