Түбән Камада көзге-кышкы чорга трамвайлар хәрәкәте графигы үзгәрә

Түбән Камада 1 октябрьдән пассажирлар агымының сезонлы кимүе сәбәпле, 2 нче маршрут трамвайларының көзге-кышкы чорга хәрәкәт расписаниесе үзгәрәчәк.

Үзгәрешләр соңгы рейсларның китү вакытына гына кагыла. Беренче рейс үзгәрешсез саклана: «ГЭТ» МУП тукталышыннан Красный Ключ бистәсе ягына 04:30 да китә һәм кире юнәлештә 05:00 дә кузгала. Соңгы рейс хәзер МУП «ГЭТ»тан 21:27 сәгатьтә һәм «Красный Ключ»тан 22:00 сәгатьтә китәчәк. Паркка керү белән хәрәкәтнең тәмамлануы 22:30га планлаштырылган.

Шәһәрнең башка трамвай маршрутлары расписаниесе үзгәрешсез кала. Барлык маршрутлар буенча актуаль мәгълүматны тәүлек буе 8 (8555) 39-74-77 телефоны буенча ачыкларга мөмкин.