Түбән Камада кайнар су, җылылык һәм урамнарны кардан чистарту темасына эфир узачак

Түбән Камада муниципаль районның башкарма комитеты җитәкчесе Роман Булатов белән туры эфир узачак. Шәһәр администрациясенең матбугат хезмәте хәбәр иткәнчә, трансляция «Вконтакте» социаль челтәрендәге «Нижнекамск» төркемендә узачак.

Эфирның темасы: кайнар су һәм җылылык белән тәэмин итү, урамнарны кардан чистарту булачак. Шулай ук шәһәр халкы үз сорауларын комментарийларда бирә ала.

Онлайн чара 21 декабрьдә көндезге сәгать 11гә планлаштырылган.