Түбән Камада илкүләм проект буенча 3,5 км юл ремонтланган

Түбән Камада юлларны ремонтлау ахырына якынлаша. Хәзер эшчеләр бригадасын Сөембикә, Менделеев һәм Корабельная урамнарында күрергә була. Шулай ук Тынычлык проспектында тротуарларны һәм велосипед юлларын алыштыру дәвам итә.

Сөембикә урамында юлчылар асфальт түшәмәнең соңгы катламын сала. Ремонт эшләре монда май ахырында башланды, ә хәзер ахырына якынлаша. 5 айда бу участокта 2 612 метр юл һәм өч чакрым чамасы бордюрлар яңартылган.

Капиталь ремонт Гагарин урамына да «керде». Биредә Спорт урамы белән киселештән Урман урамы белән киселешкә кадәр участокны яңарттылар. Барлыгы — 2 300 метрдан аз гына артыграк. Гагарин һәм Сөембикә урамнары республика бюджетына төзекләндерелде. Чыгымнар 1 миллиард сум тәшкил итә.

Түбән Камада «Имин сыйфатлы юллар» илкүләм проектын гамәлгә ашыру дәвам итә. Аның буенча быел 3,5 километрдан артык өслек ремонтланган. Бу максатларга 480 миллион сум акча бүлеп бирелгән. Сүз Студентлар һәм Корабельная урамнарындагы асфальтны алыштыру турында бара.

Моннан тыш, Тынычлык проспекты буенча өч чакрым тротуар һәм велосипед юлларын алыштыру дәвам итә. Шулай ук җирле бюджеттан 4 мең квадрат метр мәйданда чокырларны ремонтлау һәм 12 мең квадрат метр мәйданлы карталар белән ремонтлау өчен 30 миллион сум акча бүлеп бирелгән. Эшләр инде төгәлләнгән.