Түбән Камада эфир телевидениесе һәм радиосы вакытлыча сүндереләчәк

Октябрьдә Түбән Камада һәм районда Ширәмәт авылындагы телеүзәктә һәм ретрансляторда планлы ремонт үткәреләчәк.

Шуңа бәйле рәвештә аналог һәм цифрлы телевидение һәм радиотапшыруларда программалар трансляциясе вакытлыча туктатылачак, дип хәбәр итә Түбән Кама башкарма комитетының матбугат хезмәте.

Сүндерүләр графигы:

• 16 октябрьдә 9:00-15:00 — Ширәмәт авылында ретрансляторда сигнал булмый.
• 20 октябрьдә төнге сәгать бердән иртәнге сәгать 10 га кадәр Түбән Кама радиотелеүзәгендә трансляция вакытлыча туктатыла.

Түбәндәге телеканал һәм радиостанцияләргә кагылачак: «ТНВ-Татарстан», «Болгар радиосы», «Россия радиосы» һәм «Татарстан радиосы» радиостанцияләренең уртак тапшырулары, «Вести-ФМ», «Радио Маяк», РТРС-1 һәм РТРС-2 федераль мультиплекслары.