Түбән Камада бер атна эчендә 46 бала туган

Түбән Камада узган атнада 46 бала дөньяга килгән, шуларның 14е — башка шәһәрнекеләр.

Район балалар хастаханәсе матбугат хезмәте хәбәр иткәнчә, бүгенге көндә хатын-кызлар консультациясендә 1,1 меңгә якын көмәнле хатын-кыз исәптә тора. Яңа туган һәм вакытыннан алда туган балалар патологиясе бүлегендә 15 сабый һәм 9 әни бар.

Моннан тыш, бер атна эчендә район балалар хастаханәсенең кабул итү бүлмәсенә 342 мөрәҗәгать, перинаталь үзәкнең кабул итү бүлмәсенә 77 мөрәҗәгать килгән, ә 396 пациент ярдәм сорап травмпункт табибларына мөрәҗәгать иткән.

Шулай ук 485 бала поликлиникага ОРВИ диагнозы белән килгән. Стационар дәвалануда 231 пациент бар.