Түбән Камада армиягә көзге чакырылыш тәмамланды

Түбән Камада 19 декабрьдә 2024 елның көзге чакырылышы кысаларында срочникларны бу елда соңгы тапкыр армиягә озату булды.

РФ Кораллы Көчләре сафларын 13 түбәнкамалы тулыландырды. Алар Үзәк һәм Көнбатыш хәрби округлары частьларында хезмәт итәчәк.

Егетләрне туганнары белән бергә Түбән Кама муниципаль районы хәрби комиссары Газинур Ситдыйков озатты.

«Түбәнкамалыларның кәефе сугышчан, күтәренке. Егетләр хезмәткә, чираттагы җиңүләргә әзер», — диде ул.