Түбән Камада актив яшьләргә район башлыгы премиясе биреләчәк

Түбән Кама муниципаль районы башкарма комитеты җитәкчесе Радмир Беляев яшьләр өчен ел саен бирелә торган район башлыгы премиясен гамәлгә кую турында игълан итте.

Үзләрен нинди дә булса эшчәнлектә күрсәткән актив яшьләр 20шәр мең сум алачак, дип сөйләде шәһәр җитәкчесе үзенең телеграм-каналында.

Беренче премияләрне Радмир Беляев 29 июньдә Яшьләр көнен бәйрәм итүдә тапшырды. Спортчылар, волонтерлар, иҗтимагый хәрәкәтләрдә катнашучылар премия лауреаты булдылар.