Түбән Камада җәйге лагерьларның беренче сменасы башланды

Беренче июньдә Түбән Камада җәйге лагерьларның беренче сменасы башланды, дип хәбәр итә шәһәр администрациясе.

1 июньнән 21 июньгә кадәр «Юность» лагеренда 400гә якын укучы ял итәчәк.

Шулай ук балаларны «Чайка» сәламәтләндерү лагере кабул итәчәк. Моннан тыш, яшь түбәнкамалыларны «Юность» һәм Татарстанның көньяк-көнчыгыш лагерьлары: «Факел», «Космос», «Вишневая поляна», «Юбилейный», «Солнечный» көтә. Беренче җәйге сменада биредә барлыгы 175 бала ял итә алачак.

Балаларны актив һәм бай ял көтә: спорт ярышлары, уеннар, концертлар, дусларча аралашу.