Түбән Кама Россиянең иң кыйммәтле тораклы 10 шәһәр исемлегенә кергән

Түбән Кама Россиянең иң кыйммәтле тораклы ун шәһәре исемлегенә керде. Федераль Restate.ru күчемсез милек базасы мәгълүматлары буенча, шәһәрдә ярты ел эчендә икенчел күчемсез милек базарында квадрат метр бәясе 19,6 процентка арткан.

Фатирның уртача бәясе 5,3 млн сумга якынлаша, квадрат метры өчен бәя 101 мең сум. Рейтингта беренче позицияләрне Нижневартовск һәм Минусинск алды. Ярты ел эчендә бу шәһәрләрдә торак 37 процентка кыйммәтләнгән.