Түбән Кама районында җиде бала алкоголь белән агуланган

Ел башыннан Татарстанда алкоголь һәм спиртлы эчемлекләр белән агулануның 193 очрагы теркәлгән.

Агуланучыларның төп өлеше — 18 яшь һәм аннан өлкәнрәкләр (88%), дип хәбәр итә Роспотребнадзорның Татарстан Республикасы буенча идарәсе.

Балигъ булмаганнар арасында да агулану очраклары бар. Түбән Кама районында 7 очрак теркәлгән, Чаллыда — 6, Казанда — 5.

Зыян күрүчеләрнең төп өлешен эшсезләр (28,5%), пенсионерлар (12%), мәктәп укучылары (8,3%) тәшкил итә.