Түбән Кама паркында тиеннәр өчен чикләвек аппаратлары куелды

Түбән Каманың «Гаилә» паркында тиеннәр өчен азык сатып алу мөмкинлеге булган өч вендинг аппараты урнаштырылган. Шәһәрлеләр урман һәм эрбет чикләвеге сатып ала алачак — бу тиеннәрнең яраткан тәмнүшкәләре.

«Шулай булгалый, кайвакыт, парк буйлап йөргәндә яныңа тиен йөгереп килә һәм чикләвек сорый, ә синдә үзең белән берни дә юк. Аны ашатасы килә, ләкин, кызганычка, паркка йөрергә чыкканда үзебез белән һәрвакыт чикләвек алып бармыйбыз. Хәзер чикләвекләрнең кечкенә порциясен паркта ук сатып алырга мөмкин булачак», — дип язды Түбән Кама башкарма комитетының эшмәкәрлеккә ярдәм итү һәм үстерү идарәсе җитәкчесе Илнар Сираев.